December 13, 2023: US president Joe Biden para Tuesday din deh Israeli Prime Minister tho taila hardline government keh change kuri bo lakeh kui shae. Aro Israel kan future deh ekra Palestinian state karne mana kuri bole napari bo kui shae. Etu kui nah Israelis kan keh pressure tho aro uthai di shae.
Biden taila remarks tho taila 2024 re-eclection campaign laka ekta fundraising event deh kui shae aro etu kwa tho U.S kan Israel tho Gaza deh bomb kura karne jinta deh ase kui nah dikai ase. “Taikan support tho hari ase,” Biden para bombing karne international community laka alarm bajai ase kui nah refer kuri shae.
Biden laka national security adviser, Jake Sullivan Israel deh jabo leh ready kui shae Israeli war cabinet lokot kotha kuri bole aro Biden laka remarks tho enaka hubo time deh ahi ase.
“Netanyahu taila government change kuri bo laki ase. Etu government para kam tho aro duk banai di ase,” Biden para kui shae. “Mukan region keh united kuri bole opportunity ase aro taikan itia b kuri bo mun jai. Hoile b Bibi kun bah moves kan kuri bo lakeh kui nah mukan tai keh bujai dibo lakeh. Apni Palestinian state keh mana kuir bole napa ribo. Etu dictar part tho ase,”
Add Comment