April 3, 2024: Tuesday din deh Palestinians kan, United Nations deh ekta full member state hobo leh karne taikan laka bid officially revive kuri shae. Etu process deh ki hobo etu tho najaneh hoile b manu kan para etu tho Israeli offensive laka agae deh necessary ase kui shae.
Palestinians, kan kan 2012 para world body deh observer status taki shae, taikan bishi sal karne lobby deh taki shae full membership pabo leh. Membership pai leh tho Palestinian statehood tho recognize hobo.
UN envoy para Tuesday din, UN Secretary Antonio Guterres keh ekta letter patai shae. Etu letter deh, Riyad para 2011 purana application tho reconsider kuri b kui nah request kuri shae. Letter tho Security Council keh patai shae aro Palestinians kan para etu tho, etu mohina pitor deh review kuribole hudi shae, AFP para dika documents isap deh.
Mansour para hotai kui nah ahi ase, Israel laka military offensive sai nah, UN membership tho Palestinians kan karne ekta priority ase kui nah. “1947 para Palestine deh tuita state bana bole kwa tho, international community laka decision taki shae. Etu tho international community aro Palestinian manu kan laka duty ase, membership deh Palestine keh admit kuri ki nah exercise tho kotom kuri bole,” Mansour para February mohina deh kui shae.
Add Comment