Tokyo, 25 October : Top seed Zheng Qinwen laga 2024 Pan Pacific Open te commanding performance shuru kuri loise, Japan laga Moyuka Uchijima ke 7-5, 6-0 harai kina, ek ghonta te khel khotom kuri loise. Olympic gold medallist Zheng slow shuruwat kurishey, kintu second set te tai laga form regain kuri, last nine khel jitise, aru quarterfinal te No. 8 seed Leylah Fernandez logo te mukh mukhi hobo.
Pan Pacific Open te Zheng laga journey full circle ahi ase. 2022 te, tai promising 19-saal thakite first WTA final pahunjia, kintu Liudmila Samsonova khan te harise. Itya, dui bosor bichete, Wuhan te deep run kuri, WTA Finals Riyadh te ahia mahina compete kuribole spot secure kuri loise.
First set closly contested thakise, kintu Zheng second set te tai laga rhythm paiki, ekta bhi game nai chari aru comfortably victory paise.
Dusra jagah te, British No.1 Katie Boulter bhi quarterfinal punchaise, Japan laga Kyoka Okamura ke 6-1, 6-2 harai kina. No. 9 seed Boulter only tinita khel chari kina 2024 te tai laga choutha tour-level quarterfinal te pahunjia loise.
Add Comment