India, 11 June 2025: Panchayat Season 4 laka bhal trailer beshi deri hoi kina ahishe aru etu bar Phulera gaon pora notun drama, mojja aru hungama loi ahishe. Neena Gupta, Jitendra Kumar aru alak actor khan, aru etu notun season agete release koribo – June 24 te, juntu July 2 te ahibo koi thakishe.
Trailer te dekhaishe ki election season start hoa sat pura gaon ekta battleground bonai jaishe. Manju Devi (Neena Gupta) aru Kranti Devi (Sunita Rajwar) duita candidate ase,next Pradhan hoi jabole fight kurishe. Etu karone rally, dangor promise, aru asol laka election tactics sob dekhibo paribo.
Fans khan bhi bishi dangor role loishe etu notun release date decide koribole. 6.5 million pora beshi vote diya hoishe ekta special website – panchayatvoting.com – te, jate ki Team Manju Devi aru Team Kranti Devi majot ekjon ke support kuribo pare. Fans laka excitement karone makers khan show agey release koribo decide kurishe.
Series laka writer aru creator Chandan Kumar koi dishe ki Panchayat laka sob season ek-ekta ke follow kurishe, emotions aru real feeling bachaikena. Neena Gupta bhi koi dishe ki tai laka character – ekta shy pradhan pora ekta confident leader bonabole journey – bishi interesting ase. Tai promise kurishe ki Season 4 te bishi twists aru surprise thakibo.
Deepak Kumar Mishra aru Akshat Vijaywargiya pora direct kurishe, aru The Viral Fever produce kurishe etu series ke. Panchayat Season 4 June 24 pora Prime Video te India aru 240 pora beshi desh aru region te stream kuribo.
Add Comment