April 22, 2024 : Severe rainfall aru itu saath saath thunder aru lightning mara para toh hoiley ban pani ahi jai kena asey, kiley koiley Dimapur tey nala khan thik nathaka nimitey, bhal para nabana nimitey, nala nathaka nimitey, nala thakilebi letra para block hoa nimitey. Judi bhi pani gira toh moderate he thakishey, itu pani gira laga intensity toh severe thakishey.
Judi bhi Dimapur Municipal Council (DMC) para toh itu garbage (letra khan) toh sapha kuri thakey hapta hapta tey, itu public khan toh letra khan toh ene careless para kotey thakilebi ene phekai thakey, nala khan tey itu DMC laga rule khan violate kuri kena, aru itu nimitey asol reason asey, nala laga raasta toh block hoi kena thaka toh, moila pani aru bishi hoa pani khan ke block kuri di kena, kuntu nimitey toh water- logging hoi thakey.
Dimapur laga manu khan toh civic sense toh bishi biya asey, dustbin karney waste saman toh bukhiboley napari kena kotey use kuri kena hoijabo tatey he phekai diye, gari khan tey para bhi letra khan toh mica tey para bukhi kena nala khan tey gari-window para phekai di thakey, manu nadekha homoi tey. Chuli thaka gari khan tey para bhi khawa saman khan laga package khan aru alag wrappers khan toh ene window bahar tey para phkai thakey raasta khan tey. Aru itu khan opor tey currently govt. law aru order bhi eku severe action khan loa laga itya tak toh nadikhey.
Add Comment