Pani Laga Supply Laga Jhamela Thaka Toh Itya Bhal Kuri Dishey, Niuland Tey

November 07, 2025, 07:18 PM: Niuland town laga pani laga supply kuntu toh hoiley accident para damage hoa laga thakishey, 25^th October, 2025 tey, maintenance laga kaam laga homoi tey, itu kaam toh hoiley itu PWD R&B, Dimapur Division para kuri jawa laga thakishey, itu Niuland-Zhadima road phaney para, 4^th km tey.

PHED para pipe khan dhali kena thaka toh demarcate kuria pichetey bhi, itu raasta phaney, itu accidental damage hoi jawa laga thakishey, kuntu toh hoiley debri khan dump kuria para hoa laga thakishey, valley laga side tey, kuntu hoa para town laga pani laga supply ke disrupt kuria laga thakishey.

Deputy Commissioner, Niuland aru Chairman DWSM (District Water and Sanitation Mission), Sara S. Jamir para ekta joint meeting mata laga thakishey, 4^th November, 2025 tey, itu PHED aru PWD (R&B) department khan logotey, itu opor tey ki kaam kuriley bhal hobo itu opor tey kotha khan kuriboley, itu pani laga supply toh restore kuriboley.