Agartala, November 6, 2024: Police para Tata Gari ekta Panisagar te, Assam para ahea laga Tata Gari ekta rukhai she. Aru yete taikhan Drugs aru Ganja durishe, Tripura te loi jabole laga toh. Yete Rs 1.50 lakh laga Yaba Tablets drug toh durishe. Aru yete sob milai kina black market te bikai she kole Rs 3.75 Crores laga ase koishe. Yete asol malik toh Mehbub Alam ase koishe, hoilebi tata gari laga driver Ratan Nama Shudra ke duri kina ase koishe.
Aru SDPO ke kotha kurea homoi te, Etu driver aru Gari logote enika saman durea toh. Bishi bhal kam kurishe koishe taikhan mun dikina kam kiurea te. Aru Chief Minister laga sapna ase koishe Tripura te bia saman para addiction free kuribole.Saumya Debbarama para koishe ki, Officer incharge Panisagar Police Station laga Sumanta Bhattacharjee para police force khan ke loi kina rukhi thakhishe, Aru gari ekta no. AS01BY0198 Naka Point homoi te taikhan dobor jos rukhai she koishe, aru taikhan gari te bisarea homoi te Drugs aru Ganja khan paishe koishe.
Aru Ratan Nama Shudra ke durikina Question khan dudea homoi te, Ratan para koishe ki, ekta gari toh agea jai jai koishe. Aru police khan etu kebi bisaribo koishe. Aru SDPO Saumya Debbarma para koishe ki, taikhan etu Yaba Tablets khan toh, Tata Gari laga dawaja te lokai kina rakhea koishe.
Add Comment