Bhopal: Sob melaikena 139 rough diamonds laga Rs 1.06 crore daam toh Madhya Pradesh, Panna district te September 21 darik para auction kora soruh hoboli ase, koikena Sunday din official para etu khobor toh junaishe. Etu diamonds toh melaikena 156.46 carats ase aro district laga mines para powa ase, koikena Panna’s diamond officer Ravi Patel para reporters logot janai thishe. Etu precious stones pithor te 14.09 carat diamond be ase aro etu toh etu saal Februrary moina te labourer khan para paishe, hoilebi jowa paar auction samai bekaboli parai nai koishe. Bhapana hesan te etu toh main attraction ase aro Rs 70 lakh baboli neshina ase aro etu paar auction te sobse tangor saman thakibo koishe. Gujarat, Delhi, Mumbai, Hyderabad aro dosura states para etu auction kora samai samil koriboli ase, koikena Patel para janaishe. Officials khobor hesab te, auction samai raw diamonds toh alag-alag miners logot thikena government para royalty aro taxes katiboli koishe. February moina te ekta labourer aro tai laga patners para 14.09 carat diamond toh mine te paikena district laga Krishna Kalyanpur bosti osor te lease korishe. Ekta carat toh 200 milligrams logot eke ase aro etu toh diamonds aro dosura saman measure kori thaki. Panna district toh state capital Bhopal para 380 km jaikena ase aro etu jaga te sob melaikena 12 lakh carats neshina ase, koikena officials para janaishe.
Add Comment