Panna District te Lightning para 5 jun mora aro 18 jokom khobor

Panna: Madhya Pradesh’s Panna district te alag-alag 4 jaga te lightning marikena 5 jun manuh morishe aro dosura 18 manuh jokom paishe, koikena Saturday din district officials para janaishe. District authorities laga khobor hesab te, etu incidents toh Ureha, Pipariya Daun, Choumukha and Simrakhurd bosti, Panna district Friday din te howa ase koishe. Etu samai, Ureha, Pipariya Daun aro Choumukha bosti te ekta-ekta manuh jokom paishe. Simrakhurd bosti te lightning para toh tui(2) jun manuh morishe koishe. Simrakhurd te 70 umer manuh ek jun jungle te janwar laga khana pesarikena jowa samai lightning para toh morishe, etu samai Pipariya Daun te aro 1 jun mora khobor thakishe aro dosura ekta te 65 umer manuh toh Choumukha bosti te morishe, koikena sub-divisional magistrate (SDM) Rachna Sharma para khobor toh janaishe. Sob melaikena tinta(3) bosti te lightning para toh 7 jun manuh morishe koishe. Etu jarikena aro dosura khobor ekta te, tuita(2) maiki manuh 20 umer neshina khan toh Ureha bosti te kethi kam kora samai lightning toh marikena morishe, koikena collector Sanjay Kumar Mishra para janaishe, etu oper te dosura 11 manuh etu incident te jokom paishe aro itya tai khan Panna district hospital te elaj kori ase koishe.