Gwangju, 27 September : Para World Archery Championships te, India total milai satta medal jiti loi se aru last din laga competition te duita historic individual compound gold medal bhi jiti loi se Gwangju, South Korea te.
Highlight thakise 18 saal laga Sheetal Devi, jun history bonai dise dunia laga prothom armless mahila archer hobo para compound individual section te world championship gold jiti. Devi Turkiye laga world No.1 Oznur Cure Girdi ke final te 146-143 score te harai dise.
Devi laga gold ke tai laga male counterpart Toman Kumar bhi replicate kori dise, jun men’s compound individual event te gold medal claim kori loi se.
India championship finish kori se total satta medal logot – tinta Gold, ekta Silver aru tinta Bronze.
Add Comment