September 1, 2024: India kan para taikan laka sobse dangor contingent patai shae, ongoing Paralympics 2024 karne. Taikan para 84 para athletes patai shae. Medal tally laka isap deh, India kan tho bishi bhal kur shae. Avani Lekhara tho First Indian maike hui shae, Paralympics deh tuita gold jiti bole. Tai para taila title defend kuri shae, women laka 10m air rifle standing SH1 shooting event deh. Tai para etu event deh ekta world record score mari shae. Alak side deh, Mona Agarwal para bronze jiti shae aro ekta single Paralympics Games event deh India kan ekta double podium pabo leh first time taki shae. Rubina Francis para bronze b jiti shae. Taila podium finish deh kotha kura time deh, Rubina para etu kui shae. “Mui bishi kushi deh ase, Sob manu karne muila message tho etu ase. Apni ki kam kuri ase, etu kam deh tuila 100% d b. Nijor keh biswas kuri bo aro apni ki kuri bo lageh, etu kuri b.” Alak side deh, Avani para etu kui shae.” Bhal feel kureh, mui kushi deh ase, Muila country karne medal jita tho mui kushi deh ase. Muila team, coaches, ama baba aro muila country karne mui thankful ase. Avani Lekhara – Shooting – Gold medal – Mona Agarwal – Shooting – Bronze medal. Preethi Pal – Athletics – Bronze medal. Manish Narwal – Shooting – Silver medal. Rubina Francis – Shooting – Bronze medal.
Paralympics 2024: India medal winners laka full list
