US, 11 June 2025: Paramount Global announce kurishe ki tai United States te hazar employees ke lay off koribo ase. Etu decision ahishe karon cable TV industry din pora giri jai ase aru economic situation bhi bhal nohoi. Bloomberg report hisap te, company laka 3.5% US workforce affect hobo.
Company laka co-CEOs George Cheeks, Chris McCarthy, aru Brian Robbins ekta memo te koi dishe ki etu change kuri bole lagi ase jate Paramount laka bhal future karne prepare kuri bole.
Paramount toh CBS aru MTV juntu popular TV channels ase, tai laka parent company ase. Etu khali ekbar nohoi, pichla sal bhi tai 15% employees ke alag-alag round te kaam pora hataishe.
Etu bar lay off hisap te employees khan ke joldi inform kuridibo koi dishe CEOs khan pora. Olop time te Paramount ekta merger finalize koribo try kurishe Skydance Media logot. Company ekta case bhi face kurishe former President Donald Trump pora, juntu claim kurishe ki CBS News election te interfere kurishe.
Cable TV industry pura U.S. te down jaishe aru alak company beshi bhi affect hoishe. Etu din age te Disney bhi hazar employee ke kaam pora hataishe cost-cutting karone. Deadline report te, etu Disney laka sob pora dangor layoff thakishe last 10 months te, juntu mainly Los Angeles te TV teams khan affect kurishe.
U.S. laka TV industry ekta tough time face kuri ase.
Add Comment