Sports

Paris Masters: Daniil Medvedev, Alexei Popyrin khilaf second round te harishey

October 31, 2024
7 Views

Paris, 31 October : Alexei Popyrin para fourth-seeded Daniil Medvedev ke harai di se 6-4, 2-6, 7-6 (4) te Paris Masters laga second round te Wednesday din ekta tense match te. 25-saal laga Australian khiladi Popyrin, age te tinta match Medvedev opposite te harise. Popyrin aru Medvedev milaikina Palais Omnisports laga roof andar te total 86 unforced errors kurise.

Medvedev third set te 4-1 piche thakise, kintu back kori tiebreaker tak pahunjishey juntu te Popyrin kheli se. Medvedev ekta double-fault kuri diase, aru taikan match point loishey, aru Australian khiladi Popyrin net te convert kurina khotom kuri loise.

French wild card Arthur Rinderknech bhi third round te jaise Alex Michelsen ke 7-6 (6), 7-6 (7) te harai kina.

Wednesday laga Round of 32 match te, Ugo Humbert Marcos Giron ke 6-3, 6-2 te harai di se, Arthur Fils Jan-Lennard Struff ke 6-3, 6-4 te, Adrian Mannarino Zizou Bergs ke 3-6, 6-2, 6-4 te, Grigor Dimitrov Tomás Martín Etcheverry ke 6-7, 6-3, 7-5 te, Jordan Thompson 7th seed Casper Ruud ke 7-6, 3-6, 6-4 te, Stefanos Tsitsipas Alejandro Tabilo ke 6-3, 6-4 te, aru Holger Rune Alexander Bublik ke 6-4, 6-2 te harai dise.

Carlos Alcaraz Paris Masters te Nicolas Jarry ke 7-5, 6-1 te harai kina third round te jai se Tuesday rati te. Alcaraz juntu Buenos Aires semi-final te February mahina te Chilean khiladi opposite te harise, taile kaam te wapas kuri 80 per cent (4/5) break points convert kuri loise, ATP Stats hesapte. Spain laga khiladi itu season te third consecutive season te paanch ATP Tour titles jitibo karone kosis kuri ase, aru itu karone Ugo Humbert opposite te quarter-finals te jaibo karone khelibo.

Alcaraz para bishi time naloina, suru te Jarry laga serve break kuri loise second game te 0/40 piche para paanch consecutive points jeetishey. 21-saal khiladi 5-4 score te first set serve out kuri ase, kintu finish kuri kina first set seal kuri loise, ATP Tour report kuri se.

Second set te Jarry oppone pressure kuri ase aru alag-alag four break opportunities uthi ase, Infosys ATP Stats hesapte. Kintu Alcaraz para sab recover kori tai laga ek ghonta, 30 minute te jeet loise.