Paris, 22 December :Ousmane Dembele itu laga goal drought khotom kori dise, Paris Saint-Germain Saturday din te French Cup laga last 32 round te easy bhabe poisa jai, fifth-tier team Vendee Fontenay ke 4-0 te harai kene.
28 saal laga Dembele, jun itu haafta te FIFA Best award bhi paishey aru age pora Ballon d’Or bhi paise, Nantes laga Stade de la Beaujoire te hoise laga match te penalty pora goal marise.
PSG itu season te third consecutive French league aru cup double jitibo try kori ase, kintu etiya Ligue 1 te second position te ase, surprise leader Lens pora matro ek point pichete.
Dembele 25th minute te Desire Doue ke bhal assist dise, jun far corner te cool aru low finish kori kene scoring shuru kori dise.
Olop pichete PSG ke penalty diya hoise, Goncalo Ramos laga shirt pull karone. Dembele penalty loise aru October pora pichete first bar goal marise, eight match goal nathaka run khotom kori dise.
Ramos 53rd minute te third goal marise, Senny Mayulu laga low cross tap-in kori kene, aru matro paanch minute pichete aru ekta goal mari kene tai laga tally double kori dise.
Onno side te, Lille ke fourth-division team Creteil ke harabo karone 80th minute te Marius Broholm laga ekta goal dorkar hoise aru match 1-0 te khotom hoise.
Aru Lorient Guadeloupe laga AS Le Gosier ke 7-0 te harai dise, jun Paris laga ekta suburb te khelise
Add Comment