Parliament para Insolvency aro Bankruptcy Code Bill passed korishe

New Delhi: Tuesday din te Rajya Sabha para Insolvency aro Bankruptcy Code (Amendment) Bill, 2021 toh passed korishe. Etu bill toh Opposition parties para Pegasus snooping row aro dosura issues te jamila thaka nemite besi lamba kotha kora beche passed kora ase koishe. Etu bill toh Lak Sabha te July 28 darik te passed korikena thaka ase. Insolvency aro Bankruptcy Code (Amendment) Bill, 2021 para micro, small aro medium enterprises (MSMEs) te pre-packaged insolvency resolution mechanism deya ase. Etu bill toh consideration te move kora beche, Finance Minister Nirmala Sitharaman para koishe ke, “etu bill para MSMEs te bemari samai besi motob korikena ase aro itya ami khan etu aro othaikena pre-pack te aniboli, ” koishe. “etu besi daam nahoi aro hybrid ase, etu lowa manuh khan para control korikena creditors para eke logot kam koribo, etu nemite daam komti hoikena kam toh joldi hobo, keli koile kam sob toh 120 din te kotom hobo,” tai koishe. Tai para House te manuh sob ke saikena bill toh pass koriboli janaishe. Besi thire debate korikena Ms Sitharaman para koishe ke, “ami janai ase ke kam te NCLT) benches logot vacancies toh fill koriboli, keli koile ami tumi khan ke vacancies nemite bapana kori thiboli mon nai aro thire nahoboli nemite.” Amar Patnaik (BJD) te kotha kora samai, tai para koishe ke, “etu kam toh 66 per cent of unregulated financial creditors aro majority of shareholders laga kotha para he hobo aro etu oper te civil aro criminal liability toh khobor nathakina kam nakoribo.”  Ta aro koishe ke, pre-package toh flexible, cost effective, time bound ase etu nemite MSMEs nemite besi bhal ase koishe.