Agencies, 12 November: Sunday din Sri Lankan President Maithripala Sirisena pora kowah toh, tai pora parliament suspend kora toh opponent lawmakers majode chamala olai thaga rokhibo karni kora ase. Aro tai pora Speaker Karu Jayasuriya logode be bodhnaam kora toh presidential powers deh namana karni koise. Sirisena’s laga decision ke prime minister Ranil Wickremesinghe, kunbah political parties aro civil society groups khan manai aro etu toh unconstitutional aro illegal ase koise. President pora kowah toh, vote time deh premiership (PM) nemide politicians khan lag-lagi hobole ase. October 26 din deh Sirisena pora Wickremesinghe logode hatai dekena Mahinda Rajapaksa logode thala thakise. Etu pora island nation laga constitution deh chamala ola thakise. Etu karni Sirisena pora parliament toh November 16 tak suspend kora thakise. Last deh domestic aro international pressure karni tai parliament toh November 14 direk pora suru koribo koikena khobor janaideya thakise. Hoilebe Friday din, Sirisena pora parliament suspend korise aro polls toh ahha sal January 5 direk deh thakibo koikena khobor janaideya thakise. Sirisena pora 225-member parliament toh suspend koribole manise. Kelay koile Rajapaksa logode junibo karni votes naponja karni. Sirisena pora kowah toh, tai November 14 din parliament meet thakibole manise koile Hoise deh chamala olabole thaga ase aro ami khan laga bosti aro towns tak chamala hobole thaga ase, koikena janaise. Sunday din notun prime minister Rajapaksa toh tai laga political party pora chari kena notun ola Sri Lanka People’s Party (SLPP) deh join howah thakise. Etu pora Sirisena’s Sri Lanka Freedom Party logode komchor koridebole ase.
Add Comment