Pasighat te 2nd Model Treatment Centre kulishe

April 5, 2021. Arunachal Pradesh health minister Alo Libang para Pasighat te Bakin Pertin General Hospital, National Viral Hepatitis Control Programme (NVHCP) pithor te state laga 2^nd Model Treatment Centre (MTC) toh Saturday din inaugurated korishe. NVHCP toh July 2018 saal te Union health ministry para kulikena thakishe, etu pithor desh te public health nemite hepatitis bemar toh 2030 saal dak te hatabo koikena Libang laga inaugural kotha te junaishe. “itya state government nemite health toh sobse tangor kotha ase etu nemite Government of India para kotha te aro letter te be etu kam toh othabo,” tai koishe. Etu samai, notun Model Treatment Centre kula toh hepatitis bemari manuh nemite diagnostic facility aro free te elaj thibo, koikena tai para aro janaishe. Etu kam toh kamyaab hobo nemite, tai para sob doctors aro health workers khan ke mon thikena kam koriboli lage koikena janaishe. Libang para aro manuh khan logot etu kam laga faita toh loboli koishe. Health Services director Dr M Lego para koishe ke, etu NVHCP kula toh state laga eastern jaga manuh nemite laap hobo aro hepatitis bemari khan screening aro diagnosis koribo parehbo. NVHCP laga state nodal officer, Dr L Jampa para NVHCP samai manuh jama thaka khan logot power-point para kotha aro kam toh pochai thishe. T&RC joint director Dr Dukhum Raina, East Siang district medical officer Dr Kaling Dai, medical superintendent Dr Y R Darang, doctors, nurses aro BPGH laga health workers khan be samil korishe.