March 20, 2024: North China lak Shanxi province deh ekta passenger bus, tunnel wall deh crash hui shae. Crash hua tho 14 manu keh murai di shae aro alak 37 jun keh jokom kuri di shae, Chinese state media para report kuri shae Wednesday din deh.
Local authorities laka isap deh accident tho 2:37 p.m. deh hui shae Hubei expressway deh, state broadcaster CCTV news para kui shae. Aro etu accident deh manu kan bishi keh hospital deh lui jai shae kui shae treatment babo leh karne.
Alak kobor deh, teenjun manu muri jai shae kui shae ekta gari, manu jama kura jaka deh lakai dia tho. Etu crash tho Taizhou deh taka ekta vocational school deh hui shae kuto east Zhejiang province laka jaka deh ase. Manu mura laka upor deh alak 16 jun b jokom kai shae. Kobor tho local public security bureau para announce kuri shae, Xinhua News laka isap deh.
Incident tho 11;20 a.m. phale hui shae Taizhou Vocational and Technical College deh. Jokom kan manu kan thot ho stable condition deh ase kui shae report para.
Etu kobor tho sobse latest deadly car accident ase kuto China laka school deh hui shae. March 1 deh, gari ekta manu kan keh lagai dia tho tuita manu muri shae aro alak bacha kan bishi keh jokom kuri di shae. Etu accident tho Dezhao laka ekta residential jaka deh hui shae, state media para report kuri shae,
Add Comment