Passenger para flight laka emergency door tho kuli bole koshish kuri shae

November 9, 2024: Ekta Copa Airlines flight deh ekta alarming mid-flight incident hui shae. Ekta passenger para thik plane tho land nakura agae deh emergency door tho khuli bole koshish kuri shae. New York Post laka isap deh, flight tho Brazil para Panama deh jai taki shae. Enaka time deh mota tho ekta plastic jaku duri nah plane laka pichae deh jai shae aro darwaza keh khuli bo karne ekta flight attendant keh hostage lobo leh koshish kuri taki shae.Incident laka shocking video deh passengers kan phat taike rukai dia tho dikai shae. Alak video deh authorities kan phat plane deh board kura tho dikai shae, land kura piche deh. Ekta statement deh Copa Airlines para flight tho Panama deh land kura piche deh, ekta national security team kan plane keh board kuri shae aro passenger keh hatai di shae kui shae. Yaole judicial authorities laka hath deh di shae, taila against action lobo karne.