Perth, 9 October : Australia laga captain Pat Cummins expect kori ase ki tai Ashes laga opener match Perth te miss koribo, aru tai pura Test series bi miss koribo pare England laga khilaf, karon scan te dekhaise ki tai laga back stress problem itia tak bhal nahoi.
Cummins back te soreness face kori ase July mahina pora, juntu time te tai Australia laga Caribbean tour te khelise, aru latest scan te confirm kori dise ki lumbar bone te stress ase.
Sydney Morning Herald laga report hisab te, Cummins Perth te November 21 pora start hobo laga opener te khelibo naparibo, aru hobo pare ki pura paanch ta Test bi miss koribo. Itu karone Steve Smith likely ase ki tai stand-in captain hobo England laga khilaf.
32 saal laga fast bowler Cummins jaa haafta te ekta updated scan korise ki tai laga progress clear hobo Test summer age te. Doctor khan koishe ki stress “hot spot” to bhal hoijai ase, kintu etiya tak tai bowling koribo safe nohoi.
Cummins laga back stress injury karone Australia laga Ashes retain koribo laga chance bisi kom ase, karon Ashes urn Australia laga hath te 2018 pora ase.
Cummins laga jagate, fellow fast bowler Scott Boland sobse besi likely ase replace koribo, juntu te experienced trio Mitchell Starc, Josh Hazlewood aru Nathan Lyon confirm ase team te thakibo. Jaa mahina te, Australia laga Test captain Cummins nijor return te ekta loose timeline dise bowling crease te wapas jabole.
Add Comment