December 04, 2024, 05:32 PM: Itu celebration laga part thaki kena, itu Nagaland laga 25th Hornbill Festival laga, ekta grand Stone Pulling Ceremony toh hoiley loishey, Napfülezha, Kigwema TCP Gate para shuru kuri kena aru itu toh Kisama Heritage Village tey khotom kuri kena, 4th December, 2024 tey. Itu event toh hoiley Culture aru Tourism nimitey Union Minister – Gajendra Singh Shekhawat para tatey Chief Guest buhi kena grace kurishey, Nagaland laga Chief Minister- Neiphiu Rio logotey kun toh hoiley Chief Host thakishey, aru Tourism Minister Temjen Imna Along toh Host hisap buhi kena. Alag dignitary khan toh hoiley Advisor Er. Kropol Vitsu aru MLA Kevipodi Sophie thakishey, kun khan toh hoiley itu occasion ke mark kuriboley present thakishey.
Itu ceremony ke flag kuriboley, Minister – Shekhawat para itu Hornbill Festival laga naam uthai dishey, ekta vibrant global platform hisap tey, Nagaland laga rich cultura, tradition khan aru diversity showcase kuri kena. Tai para confidence thaka laga express kurishey, aru koishey ki, itu Government laga continue support thaka para itu festival toh hoiley aru bhi bishi global tourist khan attract kuriboley parishey.
Add Comment