Patton Para Nagaland Police Ke Laud Kurishey, Rs 16 Crore Laga Daam Laga Drug Khan Dhuriboley Para Nimitey

May 26, 2024 : State Deputy Chief Minister – Y. Patton para koishey ki, itu Nagaland laga Police toh hoiley ekta clear message di asey, ki, Nagaland toh hoiley ekta safe haven nahoi jaboley asey drug trafficker khan aru peddler khan nimitey. X tey  ekta post tey Patton para laud kurishey, itu Nagaland police personnel kuntu toh hoiley DGP Rupin Sharma para chulai jai kena, itu “War Against Drugs” tey itu relentless effort khan nimitey, Rs 16 Crore laga daam laga drugs khan dhuria nimitey. “Itu crackdown toh hoiley ekta continuation asey, alag alag successful operation laga. Kotey kingpin khan ke to hoiley arrest kurishey, aru dangor drug hauls khan toh hoiley dhurishey,” Patton para koishey. Tai para koishey ki, itu state Police para toh hoiley sapha saphi message pathai asey, ki, Nagaland toh hoiley itu drug trafficker aru peddler khan nimitey safe haven nahoijaboley asey koi kena. Tai para sob ke appeal kurishey mili ken akhara hoboley, itu police force logotey, itu war tey, kiba information khan asey koiley share kuriboley, kuntu toh hoiley itu investigation khan tey modod kuribo. “Aru bhi ekbar, Moi salute kuri asey itu dedicated thaka officer khan nimitey, kun khan toh hoiley hudai din tai khan laga life khan toh risk tey dhali kena, kaam kuri asey, moi khan ke safe rakhiboley,” tai para state kurishey.