Milan, 30 December : Paulo Fonseca ke AC Milan pora fire kuri dise, tai Monday bhor te San Siro stadium pora leave kora time confirm kuri dise, juntu Roma logot 1-1 draw match te hoi jaapise.
Tai ke halftime agote red card diya hoi aru post-match press conference aru interview finish kora te din end Milan ke tai ke officially fire kora laga khobor release no kora hoi, kintu behind-the-scenes tai ke remove kora confirm hoi jaapise.
Milan Monday din later Sergio Conceicao ke, aru ekjon Portuguese coach, Fonseca laga replacement hisab te announce koribo expect kura ase.
Next match Juventus logot Friday din Saudi Arabia te Italian Super Cup semifinals te hobo.
Fonseca ke June te hire kora thakise, kintu sob competition milaike sirf 24 matches pora 12 matches jiti paise. Milan abhi Serie A te eighth position te ase, aru Atalanta aru Napoli laga leaders pora 14 points piche ase, juntu Stefano Pioli under last season te paise second position pora olop disappointing ase.
Champions League te Milan olop better perform kori ase, char consecutive wins milaike, juntu te Real Madrid logot 3-1 result bhi include ase. Abhi tak Milan group te 12th position te ase aru knockout playoff round qualify kuribo lagi track te ase.
Sergio Conceicao, jun Serie A te Lazio, Parma aru Inter Milan pora khelise, Porto ke chhoi seasons coach kuri June te resign kura thakise.
Add Comment