Chennai, 28 March : Former U-17 World No. 1 Payas Jain WTT Star Contender Chennai laga opening day te sob pora dangor upset ekta kuri dise, Commonwealth Games aru Asian Games medallist Sathiyan Gnanasekaran ke Thursday din Round of 64 te harai kina.
Top-seeded Japanese duita Tomokazu Harimoto aru Sora Matsushima tai laga men’s doubles match te pura dominate kuri dise, aru Miwa Harimoto aru Miyuu Kihara bhi women’s doubles te same performance dikhai dise.
Pichite, Indian legend Sharath Kamal tai laga farewell event ekta strong shuru kuri dise, qualifier Anirban Ghosh ke 3-0 para harai kina. Sharath tai laga men’s doubles partner Snehit Suravajjula logot kheli kina Australia laga Nicholas Lum aru Finn Luu ke five-game thriller ekta te haraise.
Itu tournament te winner nimite 600 ranking points aru USD 275,000 prize ase, aru top-level global paddlers khili ase.
Gujarat laga trio Manav Thakkar, Harmeet Desai, aru Manush Shah men’s singles te bhal performance dikhai dise. Manav aru Harmeet duijon direct straight games te qualifiers Divyansh Srivastava aru Kim Taehyun ke haraise.
Wildcard Manush first te slow start kuri thakise, kintu ekta game harai jabole pora wapas ahi kina Italian qualifier John Oyebode ke tight match ekta te haraise.
All-Indian women’s singles match ekta te, Ayhika Mukherjee aru tai laga doubles partner Sutirtha Mukherjee majo te five-game thriller ekta hoise, juntu te Ayhika edge pai kina jeet luse.
Add Comment