NEW DELHI, OCTOBER 23 : Paytm nemite kotha kura manu aro Digital Payment kobi Paytm laga ekta purana kam kura manu, Sonia Dhawan koi kena mata toh etu Paytm pora poisa besi laab bai kena aro luide kena ashani pora thakise. Huilebi tai logot etu ashani pora gaama poisa nemite chamala huise. Aro tai logot Monday din tai laga Company’s Office pora thuri kena luijaa huise. Etu karne tai kan Company laga Staff kan besi asurid baa huise koise.
Etu Sonia Dhawan thura toh 3 ta wala ase. Kele boila toh tai laga moda Rupak Jain aro shati (Colleague) Devender Kumar ke thuri kena thakise. Aro etu maiki ke thura toh etu Paytm Founder Vijay Shekhar Sharma koi kena mata ke chukai kena Rs. 20 crore luidiya arp ki-ki khobor kan (Data) kan lukai kena luidiya nemite thura laga ase koise.
Etu company laga Senior Vice President pora koa hisabte etu maiki pora ki Data chur kuriluise najani. Huilebi tai Paytm Founder Vijay Shekhar Sharma logot kam kurikena besi sal thaka time te tai (Vijay) laga laptob, mobile phone aro office computer kholi kena julai thakise (use). Etu time te tai (maiki) pora Data kan sob Fourth man kobi Rohit Chomal ke bataidese aro dedese koise. Eneka hui kena etu Rohit pora tai (Vijay) laga bhai Ajay Shekhar Sharma ke call kurikena poisa mange thakise (extortion call) koise. Etubi Data chur kurilua karne mesa laga chalak pora. Eneka huikena Rs. 20 crore nesena toh luidiya huise. Etu pora etu maiki ke thura huise. Aro etu Rohit koi kena mata moda toh bolaijai kena edia bi kutte ase najani koise.
Add Comment