November 28 , 2023: Palestinians aro Israel laka majo deh jamala taka tho bishi sal karne ase. Etu jamala tho complex ase aro deep historical roots b ase kile conflict tho hui ase kui nah. Simple kotha deh jamala tho tuita group laka majo deh ase kune ki mati ekjun ekjun laka ase kui. Etu jamala laka jawab, peace tho pabo karne conflict laka key kotha kan buji bo lakeh.
First, mati laka kotha kuri bo. Israel aro Palestine tho Middel East deh ase. Etu region deh reich history ase aro culture kan b mix ase India deh taka nishi nah. Israelis aro Palestinians taijun b etu mati deh historical ties ase aro etu taka karne taijun laka pitor deh mati laka jamala bishi olai. Israelis kan kuto bishi wak Jews kana se, taikan papeh Isor para taikan keh etu mati tho dishae. Hoile b Palestinians kan kun bishi wak Arab Muslims ase, taikan generations karne bui ase tate aro taikan laka homeland ase kui.
Etu mati laka jamala taka karne jakara kan bishi olai, manu b mureh aro tuita side deh b manu kan suffer kureh. Eni papi sabi tuita neighbor ekta mati karne jakara kuri ase. Taijun b reason tho bhal ekta ase kile mati tho taila ase kui nah. Aro enaka taka karne ekjun para mari bo aro wapas alak para mari bo, enaka hui ase.
Bishi sal karne etu jamala laka jawab tho bisari bole koshish kan kuri shae hoile b shanti tho kitia b nahae. Ekta dangor obstacle tho border laka issue ase. Israelis aro Palestinians kan taijun b taikan laka border ttho kute taki bo lakeh, etu deh acha nakoi.
Aro alak jamala tho Jerusalem laka status deh ase. Etu city tho Jews, Christians aro Muslims kan karne sacred ase, aro etu karne jaka tho religious aro cultural importance laka symbol ekta hui jai shae. Israelis aro Palestinians taijun b Jerusalem tho taikan nijor laka capital ban abo mun jai aro enaka taka karne jakara tho shuru hoi jai.
Manu kan kun etu jaka deh takeh, loss kan bishi suffer kuri shae, Palestinians aro Israeles taijun b. Family kan taikan laka morom kura manu kan hari shae aro bacha kan b enaka jaka deh bui para dangor hui ase.
Etu mamla tho solve kuri bole two-sate solution laka kotha b olai shae. Yete Palestinians kan karne state bana boe West Bank aro Gaza Strip deh. Hoile b Hamas para etu two-sate solution tho reject kureh aro Israel laka destruction kasam kuri nah ase. Israel kan para Palestinian state tho demilitarized hobo lakeh kui shae Israel keh threaten naku ribo karne.
Jamala deh refugees laka kotha b ase. Itia 5.6 million Palestinian refugee kan Jordan, Lebanon, Syria, Israeli occupied West Bank aro Gaza kan deh ase. Registered refuges kan laka half tho stateless bui ase Palestinian foreign ministry laka isap deh. Palestinian kan bishi deri kanre etu refuges kan wapas ahi dei bo lakeh kui nah demand kuri ase. Hoile b Israel kan para Palestinian refugee laka resettlement kan tho border laka bahar deh taki bo lakeh kui shae.
International efforts kan bishi kuri shae tuita side deh peace tho ani bole. Countries aro organizations kan mediate aro peaceful settlement kotha kuri bole bishi par koshish kuri shae hoile b over he challenging, duk taki shae. Biswas kwa tho taijun laka pitor deh nai he nai aro tuita side b alak alak demands aro jinta kan ase.
Add Comment