Penalty kings Forest tu 34 years te first time FA cup laga seni finals te pungchisey

Nottingham Forest tu 34 years te first time FA Cup laga semi-finals te pungchisey ekta penalty shootout  te Brighton ke 4-3 para haraidiya picheyte. Saturday te taikhan etu match jita te Belgian goalkeeper Matz Sels laga dangor haath thakisey. Amex Stadium te Nottingham Forest aro Brighton laga majotey huwa quarter-final match  tu 0-0 draw te khotom huwa picheyte, extra time picheyte bi, goalkeeper Matz Sels para penalty shootout te ekta jaruri role nibhaisey. Tai para Nottingham Forest ke Wembley te FA Cup semi finals te jaga banabole modod kurisey. Goalkeeper Sels para Jack Hinshelwood aro Diego Gomez laga penalty kick ke rokhaidisey. Nottingham Forest club laga player Neco Williams para goal post laga opor te shoot kurikina tailaga penalty miss kuridisey, hoilebi Ryan Yates tu thanda dikhaikina penalty score kurisey aro team ke jitaidisey.  Nottingham Forest ke fourth round te third-division Exeter aro fifth round te struggling Premier League team Ipswich  ke harabole nimitey penalty shootout jitibole lagisey. Manager Nuno Espirito laga under te, Forest tu etu season te bisi bhal perform kuriasey. Aro Champions League karney qualify kurikina  1991 picheyte taikhan laga first FA Cup final te pungchibole laga chance bi asey.  Nottingham Forest para akhri bar 1959 te FA Cup jitisiley. Etu club tu etya Premier League te third position te ahisey. Aro enaka kurikina 1980-81 pichyete first time Champions League te appear hobole para olop kadam duri te asey.  Taikhan tu etya fouth position te thaka Chelsea para 5 poins agey asey aro fifth te thaka Manchester City para 6 points agey asey. Etu season te aro 9 match baki asey. Nottingham Forest tu last time FA Cup semi-finals te manager Brian Clough laga under te pungchisiley. Etu team para semi-finals te West Ham ke haraisiley hoilebi finals te Tottenham logotey harijaisey.