England, 21 October : Pep Guardiola para Brighton boss Roberto De Zerbi ke tai laga successor huwoley tip kuria maana kurishey Manchester City dey. Ekta recent report para kuishey ki Guardiola para Brighton khiladi laga group ekta ke kuishey tai laga De Zerbi prediction City para Amex Stadium dey May dey draw kuria piche dey. Guardiola, kun laga City contract toh 2025 tal chuli asey, kuishey ki “itu toh Manchester City laga ahia manager asey” De Zerbi laga, kun laga bhaal kaam Seagulls logot para Premier League pura dey tarif paishey.
“Mui itu yaad nai. Mui biya memory thakibo parey huilewi mui sure asey ki Roberto toh pura duniya laga eku team dey train kuribo paribo. Mui eku doubt nai,” Guardiola kuishey reporters ke Friday dey.
“Mui para khiladi khan ke itu koa yaad nai.. tai nahia agey dey koa yaad asey, ekta nahuiley tuita khel pitor dey, manager ke sustain kuriboley laga, huilewi mui itu kua yaad nai hosa bhi.
“Itu mui laga eku business nai. Juti chairman para mui laga opinion mangiley mui laga opinion mui diwo huilewi itu mui laga eku business nahoi.”
“Mui sporting director nahoi. Ki bhaal hui asey nahuiley ki biya hui asey mui laga eku responsibility nahoi.”
Former Sassuolo aro Shakhtar Donetsk boss De Zerbi para dangor impression panaishey Brighton ke lua piche dey Khali ek saal agey dey.
Guardiola bisas asey ki De Zerbi laga impact para dikhai ki ekta manager toh sobse dangor kaam pawoley eku upar level laga experience nalagey.
“Tui top clubs laga manager huwoley top clubs dey thakiboley nalagey. Mui ke Barcelona first-team (manager) appoint kurishey fourth division para ahina upar level dey eku experience nathakina,” tai kuishey.
“Tui club laga idea asey, sporting director para itu idea laga picha kurey, taikhan para itu karney manager ke hire kurey, taikhan para idea picha kuria laga khiladi ke hire kurey. Kitia itu hui bhaal jai.”
“Man City para itu kurishey, Liverpool toh Jurgen (Klopp) logor bishi saal karney – titles jitina eki process aro eki ideas para.”
Add Comment