Pep Guardiola para Premier League title keh surrender kuri shae

November 10, 2024: Brighton & Hove Albion para reigning champion laka against 2-1 score deh jtia piche deh, Manchester City manager Pep Guardiola para Premier League title keh surrender kuri di shae. Etu tho Manchester City laka fourth consecutive defeat ase. Etu tho taikan laka sobse bia run ase, 2006 para. Taila managerial career deh enaka chartha game losing streak experience kura tho Guardiola karne b first time ase. Jua hapata Tottenham deh ekta League Cup hara piche deh City laka losing streak tho shuru hui shae. Etu piche deh Bouremouth laka against 2-1 hari shae. Etu tho taikan laka first league defeat taki shae, 11 months deh.  Taikan Champions League deh Sporting Lisbon laka against b hari shae, 4-1 score deh. “Chotha Premier Leagues jiti piche deh, ek sal tho alak team pabo leh lakeh,” Guardiola para BBC sport keh kui shae. “Mukan 90 minutes karne kili bole napareh itia,” BBC match of the Day keh kui shae tai para. “Mukan first half tho bishi bhal para kili shae aro second half deh kun bah moments tho taki shae. Mukan aro ekbar hari shae. Mukan laka matha tho sapa kuri bole lakeh.”