August 1, 2024: District Administration, Peren kan department laka sob heads kan lokot deh meeting lui shae aro aha 78th independence Day karne kam tho kinaka bhak kuri shae, etu mamla deh kotha kuri shae. Deputy Commissioner, Peren Hiazu Meru para officers kan keh, taikan tho courtesy call tho DC, Peren keh d b kui shae, officer kan meeting attend kuri bole para nai koile tho.
Meeting tho self-introduction kan kuri nah shuru hui shae. Meeting para sob department kan keh alak alak kam kan di shae aro taikan keh, taikan laka dia kam deh actively participate kuri b kui nah request kuri shae. Meeting para 78th Independence Day time laka celebration time deh stalls kan set kuri bole decide kuri shae.
DC, Peren Hiazu Meru para PHED Department keh ekta safe aro reliable water supply ensure kuri b kui shae aro taikan keh, taikan laka priority tho, district Head Quarter deh d b kui nah urged kuri shae. DC para police department keh office laka jaka tho time to time patrol kuri b kui shae, security measures kan ensure kuri bo karne. Meeting time deh, house para 10th August 2024 din deh ekta mass Social work lobo leh resolve kuri shae, aha Independence Day laka nam deh.
(DPRO Peren)
Add Comment