November 7, 2024: Peren District 10th Inter Departmental Tournament 2024 laka inaugural program tho Indoor Stadium, Jalukie deh lui shae, 7th November 2024 din deh. Tournament tho Deputy Commissioner Peren, Hiazu Meru para open ase kui nah declare kuri shae. Tai tho inaugural program deh special guest taki shae, NZPO President, Zandi Domta aro alak officials kan lokot deh.
Event deh kotha kuri nah, Hiazu Meru para officers, kun kan tournament tho tos sal agae shuru kuri shae, taikan keh acknowledge kuri shae. Tai para etu tho ekta platform ase kui shae, kuto alak alak departments para officials aro staffs kan keh eki lokot deh anae. Tai para enaka nishi event kan ekta opportunity ase kui shae, government employees kan laka stress tho hata bole, work related stress para.
DC para government servants majo deh unity taki bole bishi zaruri ase kui shae aro interdepartmental tournament para government officials majo deh close-functional understanding ani bole hope kuri ase kui shae. Tai para participants kan keh sportsmanship laka spirit tho dola bole encourage kuri shae aro tournament tho ekta grand success hobo leh wish kuri shae.
Three-day lamba event deh etu sports discipline kan taki bo: Badminton, Carrom, Table Tennis, Penalty, Chess aro Arm Wreslting.
Function tho EAC Jalukie, Sizin Rentta para chair kuri shae aro JTLBC Evangelist, Rampauwalie para invocation prayer pronounce kuri shae.
Add Comment