November 22, 2023 : Peren district tey Inter departmental tournament khiliboley thaka toh hoiley, 28th para 30th November, 2023 tak khiliboley asey koi asey, Jalukie laga Indoor stadium tey. Itu tournament tey toh hoiley mota aru maiki khan bhi khiliboley asey, sigles Badminton aru mixed doubles. Table tennis khilibo koi asey mota aru maiki singles duita bhi. Carrom bhi khiliboley asey, mota & maiki laga doubles tey. Chess open khiliboley asey. Arm wrestling khiliboley asey mota & maiki bhi, aru penalty shoot out khilibo koi asey motha & maiki bhi.
Itu tournament khiliboley laga Registration laga last date toh 24th November, 2023 di kena asey koi asey. Itu organisers para itu bhi inform kurishey ki, forms khan toh hoiley SDO (C) ke submit kuriboley pari asey, Deputy Commissioner laga office tey, nahoiley itu ph number 8787731089 tey call kuriboley pari asey, aru judi kiba aru bhi details khan lagi asey koiley, itu di kena thaka phone number 8787731089 -/ 8731829259 tey call kuri kena hudiboley paribo koi asey.
Add Comment