March 26, 2024 : Smooth conduct ensure kuriboley, itu 18th Lok Sabha Election karney, itu training laga first phase, Presiding Officers khan aru 1st Phase Officers khan nimitey, shuru hoishey, Peren Town tey, 26th March, 2024 tey.
Itu training toh hoiley duita session tey loishey, teenta alag alag jaga khan tey para, Town Hall, PTWWO Hall aru Old Catholic Church Building khan tey.
Itu political personnel khan ke brief kuri kena, Paren laga DC & DEO – Vineet Kumar para tai khan laga appraise kurishey, keneka para Election Commission of India (ECI) para toh hoiley election khan conduct kuri kena ahishey aru tai khan ke advise kurishey, ekta thorough understanding loboley, itu election procedure khan laga. Tai para itu bhi stress kurishey, training programme khan tey attend kuria laga importance opor tey aru judi kiba doubt khan aru query khan asey koiley, tai para tai khan ke hudishey, clarification kuriboley, itu Master Trainer khan logotey, alchi nakuri kena. Aru itu saath saath, tai para wishes janaishey tai khan ke, tai khan ke urge kurishey tai khan ke di kena thaka assigned duty khan responsible para perform kuriboley aru galti hoboley laga eku raasta nachariboley koishey.
ADC Peren – Japheth Woch, tai para tai laga khata address tey bhi, itu trainee khan ke appeal kurishey, bhal para janiloboley itu machine khan aru election laga process khan. Tai para itu sob polling personnel khan ke encourage kurishey, tai khan laga assigned thaka duty khan sincere para aru effective para discharge kuriboley.
Add Comment