November 04, 2024, 06:02 PM : Co-ordination meeting aru kaam distribute kurishey, itu upcoming Mini Hornbill Unity Festival nimitey, kuntu toh hoiley 5th para shuru kuri kena 7th Dec. 2024 tak loboley asey, itu laga meeting toh hoiley 4th November 2024 tey loishey, Deputy Commissioner Office, conference hall, new District Headquarter Peren tey para.
Deputy Commissioner Peren, Hiazu Meru para highlight kurishey ki, upcoming Mini Horn bill Unity festival, Peren district nimitey toh hoiley, organize kuria toh majbut kuriboley karney aru aru bhi bishi wala unity banaboley karney, itu district tey. Hiiazu Meru para inform kurishey ki, Mini Hornbill Unity festival laga official programme toh hoiley Deputy Commission Office complex tey para organize kuriboley asey aru tatey alag programme khan bhi organize kuriboley asey, Zero Point Beikingpuichak tey, D.C. Office, Peren nichey phaney.
Itu meeting tey toh hoiley decide kurishey, ekta community morung construct kuriboley karney, D.C. laga office complex tey aru Zero Point Beikingpuichak tey aru itu house toh hoiley Nodi kinar tey camping loboley karney bhi approve kurishey, itu teen din laga festival tey.
Itu meeting tey, official aru itu NZPO laga representative, Zeliangrong Baudi, Zeme Council, Liangmai Council, Kuki Inpi aru Rongmei Council bhi itu meeting tey attend kurishey.
Add Comment