Peren DPDB meeting loishe

PEREN,NOVEMBER 06,2019:Peren District Planning  & Development Board laga monthly meeting toh November 06 2019 DC Confernece Hall  Peren District Headquater  te loishe .Etu meeting toh  DC Peren cum Vice  Chairman  DPDB Sentiwapang Aier para loishe.

Poila laga meeting laga kotha kurikena    Board khan manishe   Local Area Development  Fund(LADF) veirification committee olabole  nimete etu te tai khan para SDO Peren,DDAO Peren ke  new committee members bonaishe.

Etu meeting te EAC Ngwalwa  Rumbemo  T.Kithan para  board members khan ke alag alag activities  khan sob  Peren Sub Divisions   BBBP te luwa laga kotha kurishe aro bi khobor dishe members khan ke  ekta Mega Event   bi sob Peren districts te lobole nimete aha financial year te .Tai aro koishe board members khan ke  ki Nagaland State Disaster Management Authority (NSDMA) Home Department bithor te ekta Mega mock drill Nagaland Emergency   Preparedeness Exercise (NEPEx) 21^st aro  22^nd  November 2019 te  sob   Districts HoDS khan  Peren district bithor te  aro etu nimete  sob line departments khan para  modot mangishe.

Autumn Face Organising Committee Convener Tingthengringliu para board members khan ke  Autumn Face Season 1  “Where Passion soars “ laga theme bithor  te  St. Xavier  College Campus Auditorium  Jalukie town  30^th November 2019  te lobo etu bi  ekta  aim logote  etu bi talent thaka manu khan ke ekta platform dibole nimete tai khan laga talent sabole nimete aro tai khan ke professional bonabole nimete Fashion World aro  Music Industry te  .Convener organising committee  laga behalf te  financial assistance aro  members khan para approval mangishe  aro kotha kurikena manishe   tai laga kotha toh approve kuribole nimete. EAC Jalukie C.Wangan  para board members khan ke koishe ki  Peren District Inter Departmental  Tournament toh  21^st -22^nd November 2019 Indoor Stadium Jalukie  te lobole ase . Tai para aro bi members khan ke koishe judi bodli khan  ahise  koile toh  pichede khobor dibo.

Etu meeting te  District Horticulture  Office Peren para tai khan laga departmental activities uporte slide show presentation dishe.