July 17, 2026: Deputy Commissioner Peren, Hiazu Meru para ekta order tey state kurishey ki, itu Chief Veterinary & Animal Husbandry Officer Peren laga pursuance tey, itu gahuri khan kata, gahuri khan bahar para ana, aru gahuri khan transport kuria laga ban rakhi thaka, itu Jalukie Valley tey, kuntu order toh hoiley vide 25th April 2026 tey issue kuria laga thakishey, itu toh hoiley itya hatai di kena asey.
Eneka thakilebi, itu DC para itu sob gahuri bikawa manu khan, butcher khan, trader khan, transporter khan aru consumer khan ke strict para robust biosecurity measure khan maintain rakhiboley direct kurishey, transit challan khan banboley aru quarantine history document khan produce kuriboley karney bhi koishey. Peren laga DC para aru-bhi ekta health Certificate bhi banaboley koishey, itu competent veterinarian para aru strict para hygiene protocol khan hisap chuliboley koishey, itu Animal Husbandry aru Veterinary Service khan laga department para prescribe kuria laga.
DC para gahuri khan judi kiba bimar nahoilebi alag kisim bimar para murishey koiley, phat para itu Animal Husbandry laga Department aru Veterinary Services laga official khan ke inform kuriboley koishey.
