March 07, 2025, 05:57 PM: Itu sukha season laga homoi tey, jui khan jula para hazard pose kuria laga view tey, itu Peren laga Deputy Commissioner – Hiazu Meru para ekta order issue kurishey, itu public ke direct kuri kena koishey ki, bishi jungle khan julai thaka toh rukhiboley karney koishey.
Itu sob Administrative Officer khan ke bhi inform kurishey aru direct kurishey, itu notice toh bosti laga council khan tey punchaboley koishey, husiyar thaki kena thakiboley, aru tai khan laga bosti manu khan inform kuriboley koishey aru lagi thaka measure khan loboley karney koishey, bishi para jungle khan julai thaka toh check kuriboley karney koishey, tai khan laga respective jurisdiction khan tey.
Itu DC para aru bhi inform kurishey ki, itu directive toh comply kuriboley fail hoishey koiley, utu bosti khan para namanni kena itu jungle khan bishi para julai thakiboley asey utu bosti laga council opor tey strict action loboley asey, koi kena janaishey.
Add Comment