Peren Laga DC Para ULB Election 2024 Notify Kurishey

June 23, 2024 : Itu State Election Commission’s notification laga pursuance tey, Peren laga Deputy Commissioner- Vineet Kumar IAS para toh hoiley notify kurishey, itu sob concern khan ke, section 126 hisap tey, itu Representative of the peoples Act 1951 laga, ki , itu campaign kuria laga homoi, itu municipal aru town council election 2024 nimitey toh hoiley 4:00 pm tey khotom hoi jaboley asey, 24^th June 2024 tey aru itu hisap tey he meeting khan toh hoiley prohibit kuriboley asey, itu 48 hrs laga fixed homoi tey, poll laga conclusion nimitey. Peren laga DC para itu bhi notify kurishey ki, kun bhi manu khan toh ki ki laga kisim laga hoilebi meeting khan toh naloboley lagey nahoilebi attend kuriboley nalagey, election laga connection tey. Peren laga DC para itu bhi notify kurishey ki, kun manu khan itu koi kena thaka kotha ke namaney koiley, tai khan ke toh saja dibo koishey, ekta term tak laga jail taey rakhi kena.