March 31, 2024 : Itu bishi para pani khan gira laga, pator- pani hoa para, aru bishi hawa mara para alag alag jaga khan ke effect kuria para Peren district tey, 26th March 2024 tey. District Management Authority (DDMA) para 220 Tarpaulins sheets (kuntu toh tirpal koi thakey) utu khan toh hoiley dusta affect hoi kena thaka bosti khan ke dishey, ekta immediate relief hisap tey. Itu relief material khan logotey Medical Aid khan bhi provide kurishey, kun khan serious para aru minor para jokhom hoi kena thakishey, utu manu khan ke. Tatey toh hoiley eku manu khan muria laga khan toh report hoa nai koishwey, itya takt oh. Itu duita assessment team khan toh hoiley preliminary assessment nimitey bhi immediate para dispatch kurishey, 27th March, 2024 tey, DDMA para, Ahthibung aru Tenning subdivision tey, kuntu toh hoiley bishi biya para affect hoi kena thakishey, itu disaster para, itu jaga tey assess kuriboley, kiman para damage khan hoi kena asey itu khan opor tey, aru ekta report submit kuriboley itu government ke.
Peren Laga DDMA Para Relief Laga Saman Khan Extend Kurishey
Add Comment