June 29, 2024: Deputy Commissioner aro District Magistrate Peren Shri Vineet Kumar IAS para state Election Commission, Nagaland para issue kura order tho notify kuri shae. State Election Commission, Nagaland para municipalaro town council election 2024 laka voting tho 29th June 2024 deh schedule kuri di shae aro voting tho free, fair, safe aro peaceful manner deh conduct kuri b kui shae. Aro eku jamala kan nula bo karne precautionary measures kan lu b kui shae. Aro Peren District deh peace aro tranquility maintain kuri bo karne Deputy Commissioner aro District Magistrate Peren Shri. Vineet Kumar IAS para pastha manu aro pastha laka upor manu kan non essential nature deh assembly kura tho, etu keh prohibit kuri shae. Etu heh nahoi nah gari laka movement b prohibit kuri shae, 6am para 11:00 PM tak. Etu prohibition tho 29th June 2024 deh taki bo. Tai para public jaka kan deh manu kan lethal weapons aro firearm kan duri bole nalageh kui nah notify kuri shae.
Deputy Commissioner & District Magistrate Peren Vineet Kumar IAS para etu manu kan order para exempt ase kui shae district Administration security personnel laka staffs aro officials, duty deh taka magistrate, medical personnel kanaro election duty, essentials services deh kam kura manu kan. Aro niche deh taka kan tho movement laka order para exempt ase kui shae: essentials commodities kan dura commercial gari goods/passengers kan, press & Media telecom services, medical emergencies kan. Deputy Commissioner & District Magistrate of Peren para aro manu kan etu order tho violate kuri shae koile tho, lawa laka relevant section pitor deh prosecute kuri bo kui shae.
Add Comment