PEREN, 19 NOVEMBER, 2019: Peren District para 18th November, 2019 Conference Hall, DC Complex, New Peren Deputy Commissioner Peren, Sentiwapang Aier Special Guest thakikena shuru kurishe .Etu shuru huwa programme toh District Child Protection Unit, Department of Social Welfare District Administration Peren, Nagaland logote milikena loishe.
District Child Protection Officer, Peren, Avika Zhimomi para tai laga keynote address te koishe ki Child Rights Ambassador (CRA) toh school laga children rights laga advocate thakibole lageh .Tai koishe Child Protection Services (CPS) laga aim toh bacha khan uporte violence rukhaidibole nimete ase aro thik time rukhabole pareh .Tai koishe CRA toh ekta major role play kuribo child rights & protection laga kotha khan janaidibole nimete aro children’s rights laga violation toh report kuribole nimete .
Tai aro koishe CRA programme toh sob schools aro students khan nimete khulikena ase aro ekbar schools khan manishe koile toh etu programme te bhaagh lobole nimete schools khan duita students ke assign kuribole Child Ambassadors hoikena . Avika Zhimomi koishe ki ”Kun bacha hoilebi tai khan deserve kureh bachabole nimete aro safe aro secure childhood thakibole nimete bi deserve kureh.”
Sentiwapang Aier para CRA programme shuru kura time te koishe poila te bacha khan laga rights toh protect kuribole nadeh hoilebi time jaa pichede alag alag department aro alag alag organisation khan etu intiative loi ase etu bacha khan laga rights toh bachabole nimete .Tai koishe ki etu ola programme luwa pichede bacha khan janibole lageh tai khan logote ki right ase aro tai khan hikibole lageh aro tai khan kinika chulabole lageh tai khan laga rights toh promote kuribole nimete .Hoilebi tai para organizing department khan ke Child Rights laga awareness porgramme bonabole koishe.Hoilebi tai para organising department ke koishe Child Rights laga awareness programme alag alag schools te lobole koishe aro tai khan ke koishe bacha khan nimete bhal kaam kuribole janaishe.
Etu programme toh District Child Protection Unit, Peren Counsellor, Iningle, para loishe aro Asungbe para vote of thanks dishe.
Add Comment