November 13, 2024, 05:52 PM : District Administration, Peren para ekta farewell programme organise kurishey, itu bahar jai thaka laga Peren laga Additional Deputy Commissioner (ADC) – Japheth Woch para koishey, tai toh hoiley privilege paishey Peren district tey kaam kuriboley naaw muhina nimitey, duita DC para election duibar face kuri kena. Tai para itu successful para conduct kuria laga attribute kurishey, itu last election laga, former DC ke, aru AEO ke aru sob staff khan ke, kun khan involve thakishey utu homoi tey. Tai para tai laga sincere thanks bhi express kurishey, itu Dobashis khan ke aru sob tai laga staff ke, hudai available thaka nimitey, laga homoi tey, aru tai para aru-bhi tai khan ke encourage kurishey tai khan support toh continue rakhiboley, DC ke, aru itu ahiboley thaka ADC ke aru sob itu officer khan ke, itu same attitude logotey, aha din tey bhi.
Deputy Commissioner, Peren, Hiazu Meru para tai laga speech tey, itu bahar posting jai jaboley thaka ADC ke naam uthai dishey tai laga exceptional aru dedicated service nimitey, tai olop homoi Peren tey thaka laga homoi tey. Tai para tai ke – shida-shidi thaka manu asey koi kena describe kurishey aru tai logotey noble quality asey koishey humility laga koishey. Kotha koa homoi tey, Meru para bhal para kaam kuria laga relationship share kurishey, kuntu toh hoiley tai para develop kurishey, itu bahar jai thaka officer ke, judi bhi itu toh hoiley khata homoi karney thakishey.
Add Comment