September 06, 2024: Itu muhina laga meeting Peren District Planning & Development Board (DPDB) toh hoiley loishey, 6th September, 2024 tey, DC laga Conference Hall tey para, Peren laga, itu DC & Vice-Chairman DPDB Peren, Hiazu Meru laga Chairmanship under tey. Itu board para alag alag Society khan laga registration khan nimitey proposal recommend kuriboley agree hoishey – Delta Brothers Society, Nkwarew Village, Jalukie; Hairang Co-operative Society, Jalukie; Zeme Baptist Churches Association, Jalukie; Tazei Development Foundation, New Jalukie aru Christian School, Tesen, khan laga. Horticulture Department laga official khan para tai khan laga departmental activity khan present kurishey, power point presentation para. Agriculture laga department ke toh hoiley PowerPoint presentation diboley karney assign kuri di kena thakishey, itu next meeting tey. Notun board member khan ADC Tening, K. Furhesie Nyuwi aru NZPO President, Zandi Domta ke introduce kurishey, itu meeting laga homoi tey.
Peren tey DPDB meeting loishey
Add Comment