November 06, 2024, 05:21 PM : Itu Peren laga District Planning aru Development Board (DPDB) meeting toh hoiley 6th November, 2024 tey loishey, DC laga Conference Hall tey para, Peren laga, itu DC & Vice-Chairman, DPDB Peren, Hiazu Meru laga Chairmanship under tey.
Itu board para ekta khata review loishey, itu jawa muhina laga meeting laga decision khan loa laga, Peren Govt. College aru School khan laga adoption laga regard tey, itu Sub-division khan tey. ADC Jalukie, TL Kiusumong Tikhir aru ADC Peren, Japheth Woch para itu adoption committee para undertake kuria laga activity khan highlight kurishey aru itu officer khan ke itu bhi acknowledge kurishey, kun khan toh hoiley itu sub-division tey post thaki kena asey tai khan laga bishi contribution nimitey, alag alag capacity khan tey. Aru bhi Peren laga DC – Hiazu Meru para itu Office khan laga Head khan ke appeal kurishey, nijey icha para agey ahiboley karney, itu adoption committee laga support tey, yatey contribute kuriboley karney.
Agriculture aru Fishery Department para ekta detail thaka laga aru satisfy thaka laga PowerPoint presentation dishey, tai khan laga department activity initiative khan laga, Peren district under tey, itu meeting tey, Water Resources Department aru BDO Jalukie khan ke next meeting tey tai khan laga PowerPoint present kuriboley koishey.
Add Comment