LIMA: Peru te ekta interprovincial bus toh gira pichede ulta hoishe sihuas province northern ancash region te huwa pichede komti hoilebi 20 manu murishe aro dusra 14 jun toh jhokom paishe.etu khobor toh authorities para Monday te koikena janaidiya thakishe.
Parobamba district municipality Facebook page te kuwa hisaab te etu accident para 18 manu khan spot te murishe aro dusra duita toh murishe akhe te luiijaa samay te.
Etu accident toh 7:00 am local time Monday Palo Seco area te hoishe etu bi bus toh “Fama Tours SA” transport company, para girikena ulta huwa pichede.
Etu toh Huanchayllo and Parobamba area para ahi thakishe aro Chimbote and Lima, te jai thakishe etu bi passengers khan para Sunday laga general elections te vote kura pichede.etu khobor toh local radio station para koikena janaidiya thakishe.
Peru’s transport authorities para statement te koikena janaidiya thakishe tai khan para sob intervention protocols te activate kurishe khobor khan pabole nimete etu accident nimete etu bi appropriate measures nimete.
