November 20, 2024, 05:45 PM : Nagaland Chief Minister, Neiphiu Rio aru Peru laga Ambassador, India tey thaka laga – Javier Manuel Paulinich Velarde para New Delhi tey announce kurishey, ki, Peru toh hoiley ekta Partner Country hoboley asey koi kena, itu Hornbill Festival laga 25th edition nimitey, kuntu toh hoiley December 1st, 2024 tey shuru hoboley asey.
Itu Chief Minister aru tai laga cabinet colleague khan, itu duita Deputy Chief Minister khan bhi milai kena, ekta meeting loishey, itu Peru laga Ambassador logotey, New Delhi tey, aru itu formal announcement banaishey.
Itu announcement logotey, Peru toh hoiley third wala country hoi jai kena asey, itu Nagaland Government logotey Partner hoa toh, itu Hornbill Festival tey, itu agey laga announcement khan pichetey, Wales aru Japan laga, kun khan bhi partner kuri asey, itu Nagaland Government logotey.
Itu Peru laga Ambassador para inform kurishey, artist khan, cultural performance aru dnacer khan, itu South American country para ahiboley expect kuri asey, itu alag alag event khan laga festival tey participate kuriboley karney.
Add Comment