November 16, 2020. Peru laga President resigned korishe. Government logot protest kora samai tui(2) jun manuh mora nemite. Manuel Merino congress laga purana speaker, olop din agae te he etu post paishe. Tai para President Martín Vizcarra je putli kora ase. Tai ke jaa Monday din te bribery nemite kam para hataishe, hoilebi tai nahoi koishe. Politicians khan para koishe ke, Mr Merino resign kora toh manuh khan protest kora nemite ase koishe. Sunday din te, tai laga 12 cabinet ministers resign hoishe. Sunday din te Congress khan para Mr Merino ke putli koribo nemite fesla lowa nai keli koile, team ekta Rocío Silva Santisteban para reject korishe, tai toh writer aro former human rights activist ase koishe. Etu samai, hazar manuh khan para protest korishe, besi wala toh jawan khan thakishe, tai khan para Mr Vizcarra kelaaf te hatabole koishe. Congrss para Mr Vizcarra, 57 umer, logot melikena parliamentary thura nemite manuh khan para botnam korishe. Saturday din Lima te protest kora toh shanty thakishe, hoilebi sam phali police aro protesters pithor te larai hoishe. Protesters khan ke ketaboli nemite police para tear gas marishe, manuh khan para pathor aro fireworks marishe. Students tui(2) jun Pintado, 22 umer, aro Inti Sotelo, 24 umer, etu samai morishe. Mr Merino para TV te junaishe ke, “ami desh manuh sob logot janai ase ke, resign kori ase”. Peru desh te besi political dhuk hoiase, keli koile coronavirus bemari nemite economy toh besi nokson aro neje te kerikena ase. Latin America pithor te Peru desh te sobse jolti aro tangor kara hokom te lockdown korishe, hoilebi bemari cases toh etai be besi othiase koishe. Peru te etai dak 935,000 bemari cases ase aro 35,000 morishe, koikena Johns Hopkins University para janaishe. Duniyaa pithor te manuh mora toh 3rd besi te 100,000 morikena ase koishe.
Add Comment