Pet kuta kan para taikan laka owner keh bajai di shae

July 26, 2024: Tuita pet kuta kan para taikan laka owners keh baja bo karne, chuka dura attackers kan lokot deh kili shae aro serious jokom kan suffer kuri shae, Tuesday din Ghaziabad deh. Canines kan para hamla kura manu kan keh kiita bole pari shae ghor para aro taikan laka koshish deh kandan keh bajai di shae. Incident tho Sundar Singh laka ghor deh hui shae, kun laka bacha para Khoda Colony laka street kura kan keh sai taki shae. Taikan laka tui sal lah canines, Taru aro Buzzo kan tho stray kura kan taki shae, kandan para taikan laka adopt nakura time deh. Tuesday rati deh, Sundar Singh laka ekta bacha taikan laka kuta keh walk karne lui jai shae. Walk jah time deh bike-borne manu kan taike hamla kura shuru hui shae. Taikan bacha keh kitai taki shae, ghor deh pola time deh. Etu piche deh, taikan laka neighbors Kirodi Singh aro Pal para hamla kura manu keh join kuri shae aro ghor deh gusi shae. Enaka time deh Sudar Singh laka maike aro taila tuita maike bacha tho ekla taki shae. Attackers kan chaku duri nah kandan keh damki di taki shae aro taikan lokot misbehave kura shuru hui shae.  Danger tho sense kuri nah, tuita pet kura kan para 11 jun laka group keh hamla kura shuru hui shae. Taikan hamla kuri nah ghor para kita bole pari jai shae. Canines tho bia para jokom kai nah taki shae, taikan laka mata aro baet deh.