Business and Health • Headlines

Petrol laka daam nauthina ase consumers karneh.

April 7, 2022
5 Views

Thursday din teh consumers karneh tail daam utehnai. Petrol aro diesel laka daam nauthina thakishe.

Delhi teh petrol Rs 105.41 per litre teh bikai thakishe, aro diesel laka daam Rs 96.67 per litre huishe. Mumbai teh, petrol aro diesel laka daam per litre teh Rs 120.51 aro Rs 104.77 per litre thakishe.

Daam khan country pura teh uthina ase aro state alak teh daam alak thakibo tax karneh. Wednesday din teh 14th bar tail laka daam utha dikheshe char moina adha nauthina thaka March 22 para. Sob milaina petrol aro diesel laka daam Rs 10 per litre uthishe.

Petroleum Minister Hardeep Singh Puri kuishe Russia-Ukraine laka jakara karneh tail daam uthina ase, hoilehbi India teh daam uteh toh 5 per cent ekla ase kuishe April 2021 aro March 2022 teh, aro kunba developed aro developing nations teh 50 per cent thak uthina ase kuishe.

Ami khan ekla nohoi war para dikatar dia toh, Russia- Ukraine war para duniya pura diktari deh ase kuishe. Minister para kuishe petrol laka daam uthina thaka toh komti ase dusara nation lokot saishe kuileh.

Tai kuishe petrol laka daam 50 per cent opor uthina ase US, UK, Canada, Germany aro Sri Lanka teh. Hoilehbi India teh 5 per cent ekla uthina ase kuishe.