October 3, 2024: Pfutsero Town Council (PTC) para “cleanliness of nature, cleanliness of culture” laka theme pitor deh Swachhata Hi Seva Program keh organize kuri shae, kuto 13th September 2024 din para shuru hui shae. aro 2nd October 2024 din deh kotom hui jai shae. Etu program deh Dr Neisatuo Mero, MLA tho Town Hall, Pfutsero deh ekta special guest taki shae.Swahhata Hi Seva, 2024 laka culmination program deh kotha kura time deh, Dr. Neisatuo Mero para nature aro Culture keh saba kuri bole lakeh kui shae. Tai para ekta equation di shae: Saba Culture, Saba Nature healthy town aro community. Tai para councilors aro leaders kan keh ekta clarion call di b di shae, responsible aro trustworthy taki bo akrne. Tai para aro Pfutsero town deh bua manu kan keh ekta civic scenic sense keh cultivate kuri b kui shae, Pfutsero keh naturally sobse bhal town ban abo karne. Cleanliness laka importance deh kotha kura time deh, Mero para sob manu keh eki lokot deh kam kuri bole encourage kuri shae, healthy living karne. Tai para present Government laka dedication deh b kotha kuri shae, kuto dynamic Chief Minister Neiphiu Rio para lead kuri shae, state para face kura alak alak problems keh address kuri bo karne.Program tho Dy. Chairperson PTC, Khazu Dukru para chair kuri shae. Welcome note tho Chairperson PTC, Mikha Kenye para di shae aro Nuvely Tetseo para special number di shae. Pastor, PTCRC, Solhou Sono para Isor laka blessing keh invoke kuri shae. Conclusion remark tho ADC Pfutsero, Mhali Humtsoe para di shae.
(APRO Pfutsero)
Add Comment